为何旧知己，在最后变不到老友？

如果你试过有一个无话不谈嘅朋友。大家真系咩都讲得，彼此嘅了解程度可能比亲人或爱侣更深。你以为呢个朋友系一世嘅。然后你慢慢发现，次次约见面都系你约佢。明明大家无闹过交，但对方开始唔回复你微信。你甚至敏感到察觉对方已经有成年无点赞过你朋友圈任何嘢，一度怀疑佢可能拉黑咗你,佢会自己发新相到朋友圈之余，亦会见到佢去唔同的地方。或者有人会话，真正嘅朋友唔使成日搵。 但呢句说话嘅前题系：如果一个人真系仲当你系朋友，你搵过佢嘅话，就算佢当下几忙，忙完会复返对方系基本尊重。 于是你不得不承认，佢唔系无时间，只系唔想将时间用系你身上。你或者已经有问过佢：「搵亲你都唔复，其实系咪有嘢嬲咗我？但对方答完无啊，之后依旧你唔搵佢，佢疑似一世都唔会搵你。于是你默默接受，其实唔止爱情，友情亦同样会平静意外地身亡。两个曾经好熟嘅人可能无闹过交，大家甚至未必有任何心结。面对一段无疾而终嘅友谊，伤心程度其实不下于失恋。 虽然谂返起对方嘅冷淡会唔开心，但只要真正上过心嘅朋友，无论彼此疏远咗几耐都好。只要见到同对方有关嘅嘢，依旧会挂住佢，挂住大家曾经老友鬼鬼，可以无所不谈嘅日子。但无论几挂住都好，人大咗会好老土地发现，任何类型嘅感情其实都不可强求。比起唔放手，不断继续约对方，逼到对方可能最后出于唔好意思推，其实好勉为其难地应酬自己。 不如将有限嘅时间同心思，留返俾而家真正珍惜大家嘅朋友。